St. Gregory The Illuminator Armenian Apostolic Church

St. Gregory The Illuminator Armenian Apostolic Church, San Francisco
St. Gregory The Illuminator Armenian Apostolic Church
St. Gregory The Illuminator Armenian Apostolic ChurchSunday, August 9th, 2020 at 5:50pm
Սուրբ եւ Անմահ Պատարագ - Ուղիղ Սփռում 🔴
St. Gregory The Illuminator Armenian Apostolic Church
St. Gregory The Illuminator Armenian Apostolic Church
St. Gregory The Illuminator Armenian Apostolic ChurchSunday, August 9th, 2020 at 3:59pm
Բարի եւ Օրհնեալ Կիրակի։ Have a blessed Sunday everyone!

#armenianchurch #holymass #sanfrancisco
St. Gregory The Illuminator Armenian Apostolic Church
St. Gregory The Illuminator Armenian Apostolic ChurchThursday, August 6th, 2020 at 9:34pm
Prayers and appeal of H.E. Archbishop Moushegh Mardirossian, Prelate, for the people of Lebanon following Beirut explosions.
St. Gregory The Illuminator Armenian Apostolic Church
Armenian Prelacy of the Western United States
Prayers and appeal of H.E. Archbishop Moushegh Mardirossian, Prelate, for the people of Lebanon following Beirut explosions.
St. Gregory The Illuminator Armenian Apostolic Church
St. Gregory The Illuminator Armenian Apostolic ChurchThursday, August 6th, 2020 at 4:26pm
St. Gregory The Illuminator Armenian Apostolic Church
St. Gregory The Illuminator Armenian Apostolic ChurchThursday, August 6th, 2020 at 2:38am
ՀԱՂՈՐԴԱԳՐՈՒԹԻՒՆ

ԹԵՄԻՍ ՀԱՒԱՏԱՑԵԱԼ ԺՈՂՈՎՈՒՐԴԻՆ
ՊԷՅՐՈՒԹԻ ՄԷՋ ՊԱՏԱՀԱԾ ՊԱՅԹՈՒԻՄՆԵՐՈՒՆ ՀԵՏԵՒԱՆՔՈՎ

«Իմ ապաստանս ու ապաւէնս ես, ո՜վ Աստուած. ես Քեզի կը վստահիմ»
(Սղ. 91.2)

Պէյրութի մէջ, Երեքշաբթի, 4 Օգոստոս 2020-ի երեկոյեան տեղի ունեցած ահաւոր պայթումներուն հետեւանքով, անգամ մը եւս ցնցում ապրեցան Լիբանանն ու Լիբանանահայ մեր գաղութը, մեր սիրտերը դարձեալ վիշտով ու տխրութեամբ լեցուեցան՝ ի լուր նորագոյն այս աղէտին հետեւանքով զոհուած ու վիրաւորուած անմեղ ժողովուրդին։ Պէյրութի քաղաքն ու շրջակայքը ենթարկուած են հսկայական քանդումներու եւ նիւթական վնասներու։ Կան հարիւրաւոր զոհեր, հազարաւոր վիրաւորներ. վնասներ կրած են Կաթողիկոսարանը, եկեղեցիներ, դպրոցներ, հայ կեդրոններ ու գործատեղիներ եւ քանդուած են մեծաթիւ բնակարաններ։ Պէյրութը հռչակուած է «Աղէտեալ Գօտի»։

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան, դէպքէն անմիջապէս ետք, Ազգ. Առաջնորդարանի դիմատետրով հրապարակեց յայտարարութիւն մը, աղօթք բարձրացնելով առ ամենողորմ Աստուած զոհուածներու հոգիներուն համար հանգիստ եւ խաղաղութիւն խնդրելու, բժշկութիւն եւ առողջութիւն՝ վիրաւորներուն, ուժ ու կորով մեր ժողովուրդի զաւակներուն շրջանցելու այս աղէտը եւս, նշելով. «Մեր աղօթքներով կը միանանք մեր հարազատներուն, եւ խնդրամատոյց կ՛ըլլանք առ Աստուած, որպէսզի խաղաղութիւն, կայունութիւն եւ բարութիւն հաստատէ Պէյրութի մէջ թէ ամէնուրեք, եւ խնայէ մեր ժողովուրդին»։

Առաջնորդ Սրբազանը նաեւ հաղորդակցութեան մէջ մտաւ Ն.Ս.Օ.Տ.Տ. Արամ Ա. Վեհափառ Հայրապետին հետ, եւ յանուն Թեմիս Հոգեւորականաց Դասուն, Կրօնական Ժողովին, Ազգային Վարչութեան, հաւատացեալ ժողովուրդին եւ անձնապէս պատրաստակամութիւն ու զօրակցութիւն յայտնեց միասնաբար յաղթահարելու ճգնաժամային իրավիճակն ու Լիբանանը հարուածող այս լուրջ մարտահրաւէրը եւս։ «Կը սպասենք Վեհափառ Հայրապետի ցուցմունքներուն համագաղութային մաշտապով մեր օժանդակութիւնը գործնապէս արտայայտելու ուղղութեամբ», նշեց Առաջնորդ Սրբազանը, թելադրելով հետեւիլ մեր Թեմի յայտարարութեանց։

Այս առթիւ, Կիրակի, 9 Օգոստոսին, յընթացս Ս. Եւ Անմահ Պատարագին, Թեմիս բոլոր եկեղեցիներուն մէջ «Տէր Ողորմեա»ի աղօթք պիտի բարձրացուի առ Աստուած վիրաւորներու բժշկութեան եւ ժողովուրդի ու Լիբանանի ապահովութեան ու բարօրութեան համար, ու հոգեհանգիստ՝ աղէտի զոհերու հոգիներուն համար։

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ

ANNOUNCEMENT REGARDING BEIRUT EXPLOSIONS

“He is my refuge and my fortress; My God, in Him I will trust.” (Psalm 91:2)

Our hearts are filled with sorrow following the explosion which rocked Beirut on the evening of Tuesday, August 4, 2020, resulting in hundreds of fatalities, thousands wounded, dozens still missing, and catastrophic destruction. The blast affected the Armenian community as well, which suffered loss of life, injuries, and damage to community institutions including the Catholicosate of the Holy See of Cilicia, Churches, schools, community centers, homes, and businesses. Lebanese authorities have declared Beirut a “disaster zone.”

Immediately following the blast, H.E. Archbishop Moushegh Mardirossian, Prelate, issued a statement through the Western Prelacy Facebook page, praying for the souls of those who perished and healing to the wounded, as well as for peace, stability, and brighter days for the nation.

The Prelate also contacted His Holiness Catholicos Aram I to express solidarity and support on behalf of Prelacy Clergy, Religious and Executive Councils, and faithful to collectively overcome this tragedy. “We await direction from His Holiness to facilitate relief efforts,” stated the Prelate, advising our community to follow future announcements.

On Sunday, August 9, during Divine Liturgy in all Prelacy Churches, “Der Voghormya” prayers will be offered for the full recovery of the wounded and for the peace and wellbeing for Lebanon and its people, and requiem prayers will be offered for the souls of the deceased.

WESTERN PRELACY TIVAN
St. Gregory The Illuminator Armenian Apostolic Church
St. Gregory The Illuminator Armenian Apostolic ChurchWednesday, August 5th, 2020 at 10:22pm
ԼԻԲԱՆԱՆԻ ՀԱՅՈՒԹԻՒՆԸ ՊԻՏԻ ՎԵՐԱԿԱՆԳՆԻ ՀԱՄԱԶԳԱՅԻՆ ԶՕՐԱԿՑՈՒԹԵԱՄԲ

​Այս խոր հաւատքով եւ ամուր յանձնառութեամբ կ՚ողջունենք մեր ժողովուրդին սիրելի զաւակները:
​Լիբանանը կը դիմագրաւէ լուրջ մարտահրաւէրներ: Վերջին ամիսներուն պսակաձեւ ժահրի ստեղծած ծանր պայմաններուն յաջորդեց տնտեսական տագնապը: Բնականաբար, Լիբանանը կազմող գլխաւոր համայնքներէն հայ համայնքը եւս ենթակայ դարձաւ յիշեալ յաջորդական տագնապներու հետեւանքներուն: Հակառակ դժուար կացութեան, Լիբանանի հայութեան տնտեսական, կրթական, ընկերային եւ այլ մարզերէն ներս, մեր կրօնական ու ազգային կառոյցները իրենց կարելին կատարեցին պատասխանատուութեան բարձր գիտակցութեամբ՝ օգտակար ըլլալու մեր համայնքի զաւակներուն: Սակայն, երէկ Պէյրութի նաւահանգիստին մէջ տեղի ունեցած ահաւոր պայթումը աւելի ծանրացուց Լիբանանին, ինչպէս նաեւ մեր համայնքին դիմագրաւած դժուար պայմանները:
​Արդարեւ, անմիջապէս որ լսեցինք պատահած պայթումը ուղղուեցանք հայկական թաղեր ու ականատես դարձանք պարզուած ողբերգական կացութեան.- քանդուած կամ ծանրօրէն վնասուած եկեղեցիներ, համայնքային կեդրոններ, տուներ, խանութներ եւ աւելի ահաւորը՝ մահեր ու բազմաթիւ վիրաւորներ: Քանդումները Լիբանանի պատմութեան մէջ աննախընթաց էին իրենց տարողութեամբ ու բնոյթով:

​Երէկ եւ այսօր հանդիպումներ ունեցանք համայնքային պատասխանատուներու հետ՝ աւելի մօտէն տեղեակ դառնալու յառաջացած վնասներուն ու վիրաւորներու առողջական վիճակին: Զօրակցական հեռաձայններ ստացանք մեր պետական, հոգեւոր ու քաղաքական բարձրաստիճան պատասխանատուներէ: Արդ, նկատի ունենալով Լիբանանի հայութեան կեդրոնական տեղը ու առանցքային դերը ընդհանրապէս համահայկական ու յատկապէս սփիւռքեան ծիրէն ներս, այս կարեւոր գաղութին վերականգնումը կը նկատենք անյետաձգելի ու հրամայական:

Քանդուած կամ վնասուած տուներուն վերանորոգումը անյետաձգելի է: Պսակաձեւ ժահրի վտանգին ենթակայ մեր համայնքի զաւակներուն առողջութեան օգտակար ըլլալը անհրաժեշտ է: Մեր կրթական կառոյցներուն աջակցութիւնը հրամայական է: Մեր համայնքային, կրօնական, մշակութային, բարեսիրական եւ այլ կառոյցներու օժանդակութիւնը կենսական է:

Համապարփակ հայեցակէտով հարկ է դիտել համայնքին վերականգման աշխատանքները:
​Այս գծով կարեւորութեամբ կ՚ուզենք շեշտել հետեւեալ կէտերը.-

1) Լիբանանի հայութեան վերականգնումը պէտք է կատարուի համազգային ճիգով՝ մեր հայրենիքին, Սփիւռքի գաղութներուն եւ ընդհանրապէս մեր ժողովուրդի զաւակներուն գործօն մասնակցութեամբ: Տագնապը մեծ է. հետեւաբար, մեր մօտեցումը պէտք է ըլլայ համապատասխան, կազմակերպ ու հետեւողական:

2) Լիբանանի հայութեան կատարուելիք օժանդակութիւնը պիտի ներառէ մեր համայնքին բոլոր զաւակները առանց խտրութեան:

3) Լիբանանի Հայոց թեմին Առաջնորդ Սրբազանին նախագահութեամբ պիտի կազմուի յանձնախումբ մը՝ մասնակցութեամբ երեք համայնքներու, երեք կուսակցութիւններու ու երեք բարեսիրական միութիւններու, որպէսզի կազմակերպէ վերականգնումի աշխատանքները:

4) Առաջնահերթութեան կարգով յանձնախումբը պիտի ճշդէ հետեւեալ երեք բնագաւառներու առնչուած կարիքներուն մասնակցութեան չափն ու ժամանակը.- տուներու ու համայնքային կեդրոններու վերանորոգում, առողջապահական ծրագիրներ եւ կրթական օժանդակութիւն:

5) Լիբանանի հայութեան օժանդակութեան յատուկ հաշիւ մը բացուած է ժընեւի (Զուիցերիա) մէջ.-

Beneficiary: ARMENIAN CATHOLICOSATE OF CILICIA
Bank: Banque pictet & Cie SA, Route des Acacias 60, CH-1211 Geneva 73
Account: M-502039
IBAN: CH61 08755 0502 0390 0300
SWIFT Code: PICTCHGG:

Բոլոր օժանդակութիւնները պէտք է կատարուին այս հասցէին, որպէսզի ստացուած նուիրատուութիւնները Կաթողիկոսարանին ճամբով փոխանցուին Ազգային Առաջնորդարանի հովանաւորութեան տակ գործող վերոյիշեալ յանձնախումբին:

​Ինչպէս առաքեալը կ՚ըսէ, եթէ մարմնին մէկ անդամը ցաւի ամբողջ մարմինը կը ցաւի (Ա.Կր 12.26): Լիբանանի հայութեան ցաւը ամբողջ հայութեան ցաւն է: Այսօր մեր ժողովուրդի զաւակները կոչուած են զօրակից դառնալու Լիբանանի հայութեան, որպէսզի ոչ միայն անոր ցաւը փարատի, այլ նաեւ կարենայ վերանորոգ կենսունակութեամբ ու նուիրումով շարունակել իր համազգային առաքելութիւնը:

​Այս սպասումով եւ Հայրապետական օրհնութեամբ կ՚ողջունենք մեր ժողովուրդի սիրելի զաւակները եւ կ՚աղօթենք առ բարձրեալն Աստուած, որ Իր երկնային բարիքներով ծաղկեցնէ մեր ժողովուրդին կեանքը:


Օգոստոս 5, 2020​ ​​​

ԱՐԱՄ Ա. ԿԱԹՈՂԻԿՈՍ
ՄԵԾԻ ՏԱՆՆ ԿԻԼԻԿԻՈՅ

Անթիլիաս, Լիբանան

HTML Snippets Powered By : XYZScripts.com